Foto: Akorda.kz jáne unsplash
Memleket basshysy birneshe elde Qurannyń órtelýine qatysty pikir bildirdi, - dep habarlaidy "Ult aqparat" Aqordaǵa silteme jasap.
"Prezident Qasym-Jomart Toqaev Soltústik Eýropanyń birqatar memleketinde bolǵan Qurandy órteý aktilerin qazirgi álemdegi jaǵdaidy shielenistirýge, halyqtar men memleketter arasyndaǵy senimge nuqsan keltirýge baǵyttalǵan arandatýshylyq áreket dep sanaidy.
Qazaqstan - Álemdik jáne dástúrli dinder kóshbasshylarynyń sezderin ótkizýge bastamashy bolǵan memleket. Bul forým dástúrli dinder men konfessiialardyń kórnekti ókilderi arasyndaǵy tiimdi ári tabysty dialog alańyna ainaldy.
Prezidenttiń pikirinshe, jiilep ketken dini vandalizm men atalǵan elder azamattarynyń jaýapsyz áreketi memleketter men dinderdiń beibit qatar ómir súrýine keri áserin tigizedi. Bul jalpyǵa ortaq normalarǵa qaishy keletin aktsiialar retinde biraýyzdan aiyptalýǵa tiis. BUU Bas Assambleiasy da bul máselege qatysty óz ustanymyn bildirýi kerek", - delingen Aqorda habarlamasynda.
Eske sala keteiik, osyǵan deiin jurt aldynda Qurandy órtep jibergen Salvan Momik Shvetsiiada Quran kitabyn teýip qorlaǵany týraly habar taraǵan edi.
