Foto: Aqorda
Qasym-Jomart Toqaevqa Bas jospar aiasynda jylý elektr ortalyǵy, oblystyq kópbeiindi aýrýhana, Azamattyq qorǵanys akademiiasy jáne kópfýnktsionaldy sport kesheni salynyp jatqany jóninde baiandaldy, dep habarlaidy Ult.kz.
Budan bólek, alpysqa jýyq ónerkásip kásipornyna eseptelgen indýstriialyq aimaqtyń negizi qalanýda.
Oblys ortalyǵynyń aýmaǵy 7 myń gektarǵa ulǵaiady. Bas jospardaǵy erekshe nysannyń biri – Qopa kóliniń jaǵasynda boi kóteretin zamanaýi iskerlik ortalyq. Onda turǵyn úi keshenderi, biznes jáne saýda ortalyqtary, áleýmettik nysandar men qoǵamdyq keńistikter ornalasady.
Mejeli ýaqytqa deiin qala halqynyń sany 500 myńǵa jetedi dep josparlanyp otyr. Turǵyndarǵa qolaily jaǵdai jasaý úshin jańa qurylys alańdary jáne renovatsiia baǵdarlamasy aiasynda 10 million sharshy metrge jýyq turǵyn úi paidalanýǵa berilmek.
Prezidentke Kókshetaý qalasynda tabysty iske asyrylyp jatqan bes jyldyq renovatsiia baǵdarlamasy jóninde málimet berildi.
Jobanyń maqsaty – apatty úilerdiń turǵyndaryn zamanaýi, jaily ári qýat únemdeitin páterlerge kóshirý, sondai-aq injenerlik jelilerdi, aýlalar men qoǵamdyq keńistikterdi keshendi túrde jańǵyrtý. Atalǵan baǵdarlamanyń operatory – Kokshe áleýmettik-kásipkerlik korporatsiiasy.
Qazirgi ýaqytta 13 eski úi buzylyp, ornyna 2 toǵyz qabatty jáne 4 bes qabatty kóppáterli úi salyndy. Jańa baspanaǵa 365 otbasy qonystandy.
2029 jylǵa deiin 175 eski úidi buzý josparlanyp otyr. Onyń ornyna 3500 páterge eseptelgen 35 zamanaýi turǵyn úi boi kóteredi. Nátijesinde 11 myńǵa jýyq adam jańa qonysqa kóshedi.
Memleket basshysy Kókshetaýda keminde 10 myń kórermenge laiyqtap jańa stadion salý jóninde tapsyrma berdi.
