Foto: Akorda.kz
Memleket basshysy kinorejisser Timýr Bekmambetovti qabyldady, - dep habarlaidy "Ult aqparat" Aqordanyń resmi saityna silteme jasap.
Kezdesý barysynda elimizdegi kinematografiia salasyn damytý perspektivalary, kreativti indýstriia mamandaryn oqytý, otandyq kinokontenttiń kólemin ulǵaitýǵa jaǵdai jasaý jáne kinematografisterdi qoldaý máseleleri talqylandy.
Timýr Bekmambetov dástúrli mamandyq ielerin (ustazdar, ártister, sýretshiler jáne taǵy basqalary) tsifrlyq kreativti indýstriiaǵa qajetti mamandyqtarǵa qaita daiarlaý jónindegi jobany ózge elderde júzege asyrý tájiribesin bólisti.
Qasym-Jomart Toqaev bul salanyń damýyna jaǵdai jasap, sheteldik mamandardy tartýǵa múmkindik beretin "Kinematografiia týraly" zańnyń mańyzdy rólin atap ótti.
Sonymen qatar Memleket basshysy álemdik tájiribege súiene otyryp, otandyq kino indýstriiasyn jańǵyrtý qajet ekenine basa nazar aýdardy.
