Foto: Reuters
Memleket basshysy Qasym-Jomart Toqaev Rojdestvo merekesimen quttyqtady, dep habarlaidy Aqordanyń baspasóz qyzmeti.
"Qymbatty otandastar! Barsha pravoslav hristiandaryn Rojdestvo merekesimen shyn júrekten quttyqtaimyn!
Bul meiram úmit pen qýanysh syilaidy, jaqsylyqqa jáne ádildikke shaqyrady. Basqa dástúrli dinder sekildi hristian dini de meiirimdilik, janashyrlyq, súiispenshilik siiaqty qasterli qundylyqtardy arqaý etken.
Bizdiń qoǵamymyzda túrli dindi ustanatyn, dúnietanymy ártúrli jandarǵa adamgershilik jolyn nusqaityn joǵary gýmanistik idealdar berik ornyqqan.
Pravoslav dini qoǵamymyzdyń ajyramas bóligi retinde jalpyulttyq birligimizdi nyǵaitýǵa, mádenietter men dástúrler áralýandyǵyn saqtaýǵa yqpal etip keledi. Halyqtyń yntymaq-birligi jáne tilektestigi turaqtylyǵymyzdy nyǵaityp, elimizdiń ósip-órkendeýine jáne jan-jaqty jańǵyrý jolymen alǵa nyq qadam basýyna kepil bola beretinine kámil senemin.
Barshańyzǵa zor densaýlyq, tolaǵai tabys tileimin! Ár shańyraq baq-berekege kenelsin!" - delingen Prezident quttyqtaýynda.
