Foto: Akorda.kz
Prezident Qasym-Jomart Toqaev qazaq tilin qoldaýǵa arnalǵan QAZAQ TILI Endowment qoryna alǵashqy bolyp jeke jarna aýdardy. Bul týraly halyqaralyq "Qazaq tili" qoǵamynyń prezidenti Raýan Kenjehan málimdedi, - dep habarlaidy "Ult aqparat".
"Til janashyrlarynan, qazaq qaýymynan súiinshi surar retim bar.
12 qazanda Prezidenttiń qabyldaýynda memlekettik tildi damytýǵa arnalǵan endaýment qoryn qurýdy usyndym. Memleket basshysy usynysty qoldaǵan edi. QAZAQ TILI Endowment qoryn qurý, tirkeý, rásimdeý sharalary jaqynda aiaqtalyp, búgin Qasym-Jomart Kemeluly sol qorǵa birinshi bolyp 7 million teńge kóleminde jeke jarna aýdardy" - delingen habarlamada.
Bul qordyń basty mindeti – memlekettik tildi qoldaý jáne damytýmen ainalysatyn elimizdegi eń iri uiym – «Qazaq tili» qoǵamynyń turaqty ári uzaqmerzimdi damýyn qamtamasyz etý.
Endaýment qorynyń ereksheligi – qorǵa jinalǵan qarjy jumsalmaidy. Qordaǵy qarajat basqarýǵa beriledi jáne investitsiiaǵa quiylady. Investitsiialyq qyzmetinen túsken tabys «Qazaq tili» qoǵamynyń jarǵylyq mindetterine jumsalady.
Álem elderinde bilim berý men áleýmettik baǵytta jumys isteitin qoǵamdyq uiymdardyń turaqty ári uzaqmerzimdi qyzmetin qamtamasyz etý úshin endaýment qoryn qurý tájiribesi keń taralǵan.
Qazir Japoniiadaǵy ǵylym men tehnologiia qory, sonymen qatar, Stenford, Garvard ýniversitetteriniń qorlary dúnie júzindegi eń iri endaýment qorlarynyń qataryna kiredi. Qazaqstanda da iri ýniversitetter, mektepter men kommertsiialyq emes uiymdardyń endaýment qorlary sátti jumys istep keledi.
"QAZAQ TILI Endowment qoryn bedeldi qoǵam qairatkerleri, ǵalym-lingvister men memleket ókilderinen quralǵan táýelsiz qamqorshylar keńesi baqylaidy.
Memleket basshysy «Qazaq tili» qoǵamyna qazaq tilindegi media jáne baspa kontentin kóbeitý úshin naqty jobalar men sharalar keshenin júzege asyrý, tildi oqytý men úiretý ádistemesin jetildirý, oqý saýattylyǵy men jazý mádenietin damytý, sonymen qatar, qazaq tilin qoldaý men tildi qoldanatyn qaýymdastyq aiasyn keńeitý maqsatynda zamanaýi tehnologiialyq sheshimderdi keńinen paidalanýdy tapsyrdy.
Prezident kórsetken úlgini el azamattary, til janashyrlary, kásipkerler keńinen qoldaidy dep senemiz.
Memleket basshysy Qasym-Jomart Kemeluly Toqaevqa ana tilimizge degen adal azamattyq ustanymy, kórsetken zor qurmeti, jeke úlgisi úshin alǵys bildiremiz!" - dep jazdy Raýan Kenjehan.
