Aqordada Memleket basshysynyń tóraǵalyǵymen Qaýipsizdik Keńesiniń shuǵyl jiyny ótti. Onda Ýkrainadaǵy jaǵdailarǵa bailanysty Qazaqstannyń odan ári áleýmettik-ekonomikalyq damý máseleleri qarastyryldy, dep habarlaidy Aqorda.
Prezident Premer-Ministr Álihan Smaiylovtyń, Ulttyq Bank tóraǵasy Ǵalymjan Pirmatovtyń, Premer-Ministrdiń orynbasary – Syrtqy ister ministri Muhtar Tileýberdiniń, Qorǵanys ministri Rýslan Jaqsylyqovtyń jáne basqa da vedomstvo basshylarynyń baiandamalaryn tyńdady.
Qasym-Jomart Toqaev áskeri-saiasi jáne sanktsiialyq teketiresterdiń nátijesinde ýshyǵýy múmkin halyqaralyq ahýalǵa shuǵyl áreket etý úshin daǵdarysqa qarsy jedel sharalar josparyn qabyldaý qajet ekenin aitty.
Memleket basshysy yqtimal ekonomikalyq qaýip pen ózge de qaterlerdiń aldyn alý jóninde birqatar naqty tapsyrma berdi.
