Prezidenttiń baspasóz hatshysy Berik Ýáli Tengrinews.kz tilshisine Qasym-Jomart Toqaevtyń qandai kitap oqitynyn aityp berdi, dep habarlaidy "Ult aqparat".
"Bilesizder me, jaqynda Prezident Abaidyń mereitoiyna arnalǵan chellendjge qatysqan bolatyn. Meniń biliýmshe, Memleket basshysy osy sharaǵa daiyndalar barysynda Abaidyń "Hikmet kitabyn" qaitalap oqyp shyqqan bolatyn. Álem klassikasy týraly aitatyn bolsaq, ol orys klassikasyn óte jaqsy biledi", - deidi Berik Ýáli.
Berik Ýáli sońǵy ýaqyttary Prezidenttiń kitap oqýǵa biraz qoly jetpei júrgenin aitty.
"Oǵan qaramastan ol saiasi ádebiet, kórkem ádebiet jáne jańa ǵylymi basylymdardy oqýǵa tyrysady. Meniń bilýimshe, Prezident bir ýaqytta birneshe kitapty oqi beredi", - deidi baspasóz hatshysy.
"Búgingi kúni Prezidenttiń jumys ornynda Alek Rossanyń "Indýstrii býdýshego" kitaby, Iýval Noia Hararidiń 21 Lessons for the 21 Century, Júsip Balasaǵunidiń "Qutty bilik", Paraga Hannanyń The Future is Asian kitaby tur. Sonymen qatar ol Time, Economis gazet basylymdaryn jáne Le Monde men "Jenmin jibao" (elektrondy nusqasynda)" da oqidy", - deidi Berik Ýáli.
Memleket basshysy oqýlyqtardy kitap túrinde oqyǵandy jón sanaidy eken.
"Kitap, gazet ne jýrnal maqalalaryn oqyǵannan keiin ol tapsyrma beredi. Prezident úshin aqparatty qainar kózinen alǵan mańyzdy. Basqasha aitqanda, ol kitap ne gazet, halyq tarapynan jiberilgen jeke hat bolsyn resmi saittardy, onyń ishinde Tengrinews.kz-ti de oqidy", - deidi Berik Ýáli.
Aita keteiik, búgin Qasym-Jomart Toqaevtyń Prezident bolǵanyna 100 kún tolyp otyr.
