Foto: Akorda.kz
Memleket basshysy Ishki ister ministri Erjan Sádenovti qabyldady, dep habarlaidy "Ult aqparat" Bas prokýratýranyń baspasóz qyzmetine silteme jasap.
Qasym-Jomart Toqaevqa elimiz boiynsha kisi óltirý, buzaqylyq, urlyq, qaraqshylyq, tonaý jáne mal urlyǵyna qatysty qylmystar sanynyń aitarlyqtai tómendeýine yqpal etken aldyn alý sharalary týraly málimet berildi. Kóshelerdegi qaýipsizdik deńgeiiniń artqany atap ótildi.
Prezidentke quqyq buzýshylyqtarǵa «múlde tózbeýshilik» jáne jazanyń bultartpastyǵy, kámeletke tolmaǵandardyń quqyǵyn qorǵaý jáne internet-alaiaqtyqqa qarsy is-qimyl boiynsha júrgizilip jatqan jumystar jóninde baiandaldy.
Erjan Sádenovtiń aitýynsha, jyl basynan beri aýyspaly nómirlerden shalynǵan 37 million qońyraý buǵattalyp, zańǵa qaishy kontenti bar 16 myń sait anyqtalǵan.
Memleket basshysyna Nashaqorlyqqa jáne esirtki biznesine qarsy kúres jónindegi 2023-2025 jyldarǵa arnalǵan keshendi jospardyń iske asyrylýy týraly aqparat berildi. Ministrdiń aitýynsha, 31 tonnadan astam esirtki jáne 79 tonna prekýrsor tárkilenip, 39 esirtki zerthanasyn joiylǵan.
Sonymen qatar Prezidentke qylmystyq-atqarý júiesi men Ulttyq ulan qyzmetiniń qazirgi jai-kúii týraly aityldy.
Kezdesý sońynda Qasym-Jomart Toqaev elimizdegi quqyqtyq tártip pen qoǵamdyq qaýipsizdik deńgeiin odan ári arttyrýǵa baǵyttalǵan birqatar tapsyrma berdi.
