Prezident Qasym-Jomart Toqaev Germaniianyń jańadan sailanǵan Federaldyq Kantsleri Olaf Sholtske jedelhat joldady, dep habarlaidy "Ult aqparat" Aqordanyń resmi saityna silteme jasap.
Qazaqstan Prezidenti Qasym-Jomart Toqaev barsha qazaqstandyqtyń jáne jeke óziniń atynan Olaf Sholtsti Germaniia Federativtik Respýblikasynyń Federaldyq Kantsleri qyzmetine kirisýmen shyn júrekten quttyqtady.
«Bul tarihi oqiǵa – halqyńyzdyń Sizge jáne Ózińiz basqaryp otyrǵan koalitsiiaǵa elińizdiń saiasi-ekonomikalyq órkendeýin jalǵastyrýǵa, sondai-aq onyń halyqaralyq deńgeidegi ulttyq múddelerin ilgeriletýge baǵyttalǵan mańyzdy josparlaryńyzǵa artqan seniminiń aiqyn dáleli. Osy tusta Sizdiń qajyrly eńbegińiz Otanyńyzdy búgingiden de biik belester men jańa tabystarǵa jetelei berýine tilektestigimdi bildiremin», – delingen quttyqtaý hatta.
Memleket basshysy Germaniiany Qazaqstannyń Eýropalyq Odaqtaǵy basty seriktesi dep sanaitynyn jáne eki el arasyndaǵy qarqyndy damyp kele jatqan strategiialyq yntymaqtastyqty nyǵaitýǵa erekshe mán beretinin atap ótken.
«Qazaq-german jáne Ortalyq Aziia – Eýropalyq Odaq formattaryndaǵy san qyrly yqpaldastyǵymyzdyń mazmunyn odan ári baiytý maqsatynda, Sizben qoian-qoltyq jumys isteýge daiyn ekenimdi rastaimyn. Oraily múmkindikti paidalanyp, ózara yńǵaily ýaqytta Sizdi Qazaqstanǵa resmi saparmen kelýge shaqyramyn», – dep jazylǵan Prezidenttiń jedelhatynda.
Qasym-Jomart Toqaev Olaf Sholtstiń igi bastamalaryna sáttilik, otbasyna baiandy baqyt, al dostas german halqyna mol yrys pen qut-bereke tilegen.
