Foto: Akorda.kz
Memleket basshysy GE Healthcare kompaniiasynyń Eýropa, Taiaý Shyǵys jáne Afrika boiynsha prezidenti Rob Ýoltonmen kezdesti, dep habarlaidy "Ult aqparat" Aqordanyń resmi saityna silteme jasap.
Kezdesý barysynda Qasym-Jomart Toqaevqa GE Healthcare kompaniiasynyń elimizde ýltradybys apparattary óndirisiniń jergilikti úlesin arttyrý jáne aldaǵy ýaqytta kompiýterlik tomografiia, angiografiia jáne mammografiia qurylǵylaryn shyǵarý jospary týraly málimet berildi.
Prezident bul bastama otandyq dári-dármek pen meditsinalyq tehnika óndirisiniń úlesin 2025 jylǵa qarai 50 paiyzǵa deiin arttyrý mindetine tolyqtai sai keletinine nazar aýdardy.
Rob Ýolton Memleket basshysyna GE Healthcare kompaniiasynyń Qazaqstanda klinikalyq beinelerdiń ortalyqtandyrylǵan ulttyq tsifrlyq muraǵatyn qurýǵa nietti ekenin jetkizdi. Bul shara naýqastardyń málimetin basqarý isin ońtailandyryp, nátijesinde kórsetiletin qyzmet qunyn tómendetýge múmkindik beredi.
Sondai-aq kompaniia Astana meditsinalyq ýniversiteti bazasynda GE Healthcare akademiiasyn ashý arqyly densaýlyq saqtaý júiesi mamandarynyń biliktiligin arttyrýǵa arnalǵan bilim berý baǵdarlamasyn júzege asyrady. Oqý orny biyl qazan aiynda qyzmetine tolyq kirisedi.
Memleket basshysy Qazaqstannyń densaýlyq saqtaý salasyna qatysty mańyzdy jobalar boiynsha GE kompaniiasymen strategiialyq seriktestikke joǵary baǵa berdi.
Kezdesý aiasynda Qazaqstan Respýblikasynyń Úkimeti men GE Healthcare arasynda GE Healthcare kompaniiasynyń investitsiialyq jobasyn júzege asyrýǵa qatysty negizgi sharttar týraly negizdemelik kelisimge qol qoiyldy.
Aita keteiik, GE Healthsare kompaniiasynyń álemniń 140-tan astam elinde ókildigi bar. 2022 jyly kompaniianyń taza tabysy – 19 milliard dollar. Al naryqtaǵy quny 34,5 milliard dollardy qurady.
