Foto: Akorda.kz
Memleket basshysy Qasym-Jomart Toqaev Túrkiia Prezidenti Rejep Taiip Erdoǵanmen telefon arqyly sóilesti, dep habarlaidy "Ult aqparat" Aqordanyń baspasóz qyzmetine silteme jasap.
Áńgimelesý barysynda prezidentter ózara senim men qoldaýǵa negizdelgen eki el arasyndaǵy keńeitilgen strategiialyq seriktestikti odan ári nyǵaitýǵa nietti ekenin rastady.
Eki el basshylary saýda-ekonomikalyq, investitsiialyq jáne mádeni-gýmanitarlyq salalardaǵy ekijaqty yntymaqtastyqty tereńdetý perspektivalaryn talqylady, sondai-aq halyqaralyq jáne óńirlik kún tártibindegi ózekti máselelerdi qarastyrdy.
Qazaqstan men Túrkiia prezidentteri biyl qarasha aiynda Astanada ótetin Túrki memleketteri uiymynyń X sammitine daiyndyq barysy týraly pikir almasty. Qasym-Jomart Toqaevtyń aitýynsha, bul jiyn túrki elderi arasyndaǵy qarym-qatynasty damytý úshin mańyzdy qadam bolmaq.
