Eýraziialyq ekonomikalyq odaq aiasynda saýda-logistikalyq júie jáne kóterme-taratý ortalyqtaryn qurý qajet. Bul týraly Joǵary eýraziialyq ekonomikalyq keńestiń otyrysynda Qazaqstan Prezidenti Qasym-Jomart Toqaev aitty, dep habarlaidy QazAqparat.
«Qazaqstan Ózbekstanmen birlesip, Ortalyq Aziianyń saýda-ekonomikalyq yntymaqtastyǵy halyqaralyq ortalyǵyn qurý boiynsha birlesken jobany júzege asyrýǵa is júzinde kiristi. Atalǵan ortalyq Batys Eýropa – Batys Qytai strategiialyq avtomagistraliniń boiynda ornalasatyn bolady. Ol ózara saýda, tranzit ósimin qamtamasyz etip, taýar aǵynyn aqtaýǵa kómektesedi jáne ónim qaýipsizdigin qamtamasyz etedi», - dedi Qazaqstan Prezidenti.
Osy rette Memleket basshysy odaqtyń basqa da elderine osyndai birlesken infraqurylymdy birigip damytýdy usyndy.
«Sonymen qatar odaq aiasynda saýda-logistikalyq júie jáne kóterme-taratý ortalyqtaryn qurý da úlken mańyzǵa ie bolyp keledi. Mundai júie elderimizdiń azyq-túlik qaýipsizdigin qamtamasyz etedi, agroónerkásip sektory áleýetin qoldaidy, shyǵyndardy jáne soǵan orai negizgi azyq-túliktiń baǵasyn tómendetedi»,- dedi Qasym-Jomart Toqaev.
