Qazaqstan Prezidenti Qasym-Jomart Toqaev birqatar memlekettiń elshilerinen senim gramotalaryn qabyldady. Bul týraly Aqordadan málim etti, dep habarlaidy "Ult aqparat".
Qasym-Jomart Toqaevqa Niderland Koroldiginiń elshisi Andrei Karstens, Majarstan elshisi Antal Heizer, Grekiia Respýblikasynyń elshisi Adam Georgios Adamidis, Egipet Arab Respýblikasynyń elshisi Manal Ehiia Ál Shinnaýi, Katar Memleketiniń elshisi Abdýlaziz ben Sultan Djasem Madjid Ál-Rýmeihi senim gramotalaryn tapsyrdy.
Memleket basshysy elshilerdi Qazaqstandaǵy diplomatiialyq qyzmetteriniń resmi túrde bastalýymen quttyqtap, igi missiialaryna tabys tiledi.
Saltanatty shara barysynda Prezident sheteldik diplomattarmen shaǵyn suhbat qurdy.
Qasym-Jomart Toqaev Niderland elshisine atalǵan memleket Qazaqstannyń Eýropadaǵy negizgi seriktesteriniń biri ekenin aitty.
«Bizdiń elimizdiń «Shell» jáne taǵy da basqa iri munai kompaniialarymen qarym-qatynasy óte jaqsy. Mundai yntymaqtastyq aldaǵy ýaqytta da jalǵasa beredi dep oilaimyn. Biz Niderlandynyń Qazaqstanmen tyǵyz yqpaldastyq ornatýǵa umtylysyn joǵary baǵalaimyz. Sizdiń elińizdiń investitsiialyq áleýeti orasan zor», – dedi Memleket basshysy.
Qasym-Jomart Toqaev Antal Heizermen kezdesý barysynda Qazaqstannyń Majarstandy Ortalyq Eýropadaǵy jáne Eýropalyq odaq aiasyndaǵy negizgi ári mańyzdy seriktesi retinde qarastyratynyn atap ótti. Prezident Majarstan Úkimetiniń Býdapeshtte Túrki Keńesiniń ofisin ashý jónindegi sheshimin quptap, oǵan tarihi ádilettiliktiń ornaýy dep baǵa berdi.
«Eki el arasynda gýmanitarlyq bailanystar nyǵaiyp keledi. Al ekonomika salasy boiynsha damý qarqyny óte joǵary. Bizdiń úkimetterimiz birge jumys atqarýǵa erekshe qulshynys bildirip otyr», – dedi Qazaqstan Prezidenti.
Qasym-Jomart Toqaev Adam Georgios Adamidispen áńgimelesý kezinde Qazaqstannyń Grekiiamen aradaǵy yntymaqtastyqty damytýǵa zor mán beretinin aitty.
«Biz Grekiiamen osyǵan deiin qalyptasqan yntymaqtastyqty odan ári órkendetýge zor qyzyǵýshylyq tanytamyz. Siz elshi retinde eki el arasyndaǵy bailanysty ári qarai damytýǵa eleýli úles qosasyz dep oilaimyn», – dedi Prezident.
Egipet diplomatiialyq missiiasynyń jetekshisin qabyldaý sátinde Memleket basshysy Prezident Abdel Fattah as-Sisidiń 2016 jylǵy Qazaqstanǵa jasaǵan sapary tabysty bolǵanyn atap ótip, oǵan izgi tilegin joldady.
«Elderimiz ekijaqty qatynastardy damytý baǵytynda oń nátijelerge qol jetkizdi. Halyqaralyq kún tártibindegi kóptegen másele boiynsha memleketterimizdiń ustanymy ortaq», – dedi Qasym-Jomart Toqaev.
Memleket basshysy Katar elshisine 2019 jyldyń maýsym aiynda Dýshanbede ótken Aziiadaǵy ózara yqpaldastyq jáne senim sharalary jónindegi keńes sammiti aiasynda Ámir Tamim ben Hamad Ál-Tanimen tabysty kezdesý ótkizgenin aitty. Sondai-aq atalǵan elmen yntymaqtastyqtyń nyǵaia beretinine senim bildirdi.
«Biz Qatar Airways kompaniiasynyń Nur-Sultan men Doha arasynda áýe qatynastaryn iske qosý jónindegi sheshimin quptaimyz. Memleket basshysy retinde ózim jáne Qazaqstan Úkimeti Katarmen bailanystardy nyǵaitý úshin barlyq qajetti sharalardy qabyldaimyz», – dedi Qasym-Jomart Toqaev.
