Foto: Akorda.kz
Prezident Qasym-Jomart Toqaev BUU Bas Assambleiasynyń 78-sessiiasy aiasynda BUU Bas hatshysy Antoniý Gýterrishpen kezdesý ótkizdi, dep habarlaidy "Ult aqparat" Aqordanyń baspasóz qyzmetine silteme jasap.
Taraptar Qazaqstannyń BUU-men jan-jaqty yntymaqtastyǵynyń basym baǵyttaryn, sondai-aq qazirgi zamannyń ózekti syn-qaterlerin talqylady.
BUU Bas hatshysy Qazaqstan Prezidentine iltipat bildire otyryp, ekijaqty seriktestiktiń qarqyndy damyp kele jatqanyn atap ótti.
– Qazaqstan men BUU beibitshilik pen qaýipsizdikti nyǵaitý, Ornyqty damý maqsattaryna qol jetkizý jáne adam quqyǵynyń saqtalýyn qamtamasyz etý máseleleri boiynsha yntymaqtastyqty jalǵastyra beredi. Qazaqstan – biz úshin mýltilateralizmniń tiregi, jahandyq deńgeidegi beibitshilik qorǵany retinde basymdyqqa ie seriktes el, – dedi Antoniý Gýterrish.
Óz kezeginde Qasym-Jomart Toqaev Antoniý Gýterrishtiń BUU Bas hatshysy retindegi qyzmetine joǵary baǵa berip, onyń beibitshilikti, turaqtylyq pen qaýipsizdikti qamtamasyz etýge baǵyttalǵan is-áreketterin odan ári qoldaýǵa daiyn ekenin rastady.
Qazaqstan Prezidenti qazirgi zamannyń eń ózekti problemalaryn sheshýde BUU airyqsha ról atqaratynyn jáne onyń eshqandai balamasy joq ekenin aitty. Sondai-aq Memleket basshysy BUU Bas hatshysy Antoniý Gýterrishke Uiym qyzmetin odan ári jetildirý jónindegi oi-pikirin jetkizdi.
