Prezident Qasym-Jomart Toqaev bala quqyqtary jónindegi ýákil Arýjan Saindy qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda balalardyń densaýlyǵyn saqtaý men áleýmettik qorǵaý, sondai-aq, kámelet jasyna tolmaǵan jasóspirimderge zorlyq-zombylyq kórsetýge qarsy kúres sekildi ózekti máseleler jan-jaqty talqylandy.
Arýjan Sain shala týǵan ári retinopatiia aýrýyna shaldyǵý saldarynan zaǵiptyqqa ushyraǵan sábilerdiń problemasyn kóterdi. Respýblika boiynsha orta eseppen 20 myńǵa jýyq bala shala týady. Onyń ishinde 4 myń balanyń salmaǵy jetilmei dúniege keledi. Bala quqyqtary jónindegi ýákildiń aitýynsha, atalǵan máseleni sheshý úshin óńirlerdegi perinataldi ortalyqtar men perzenthanalar bazasynda tiimdi oftalmologiialyq járdem berý jumysyn uiymdastyrý qajet, sonymen qatar, jergilikti atqarýshy organdarmen sapaly bailanys ornatyp, diagnostikalyq quraldarmen jabdyqtap, meditsina qyzmetkerleriniń biliktiligin arttyrý kerek.
Arýjan Sain Qazaqstanda aǵzanyń fýnktsionaldyq múmkindikteri túziletin halyqaralyq klassifikatsiiany jedel engizýdiń mańyzdy ekenin atap ótip, onyń BTsP-ǵa shaldyqqan, estý, kórý jáne basqada aýrý belgileri bar balalardyń problemalaryn júieli sheshýge yqpal etetinin aitty.
Qasym-Jomart Toqaev balalardyń quqyqtary men densaýlyǵyn saqtaý isi asa mańyzdy ekenine toqtalyp, bul máseleni árdaiym ózi jiti baqylap otyratynyn atap ótti.
