Memleket basshysy Taldyqorǵan qalasynda biyl maýsym aiynda ashylǵan «Aisulý» Jetisý tigin fabrikasy» JShS jumysymen tanysty, dep habarlaidy "Ult aqparat" Aqordaǵa silteme jasap.
Fabrika halyqtyń áleýmettik osal toptaryna jatatyn azamattardy kóptep jumysqa alǵan. Atap aitqanda, 26 kóp balaly ana, 36 jalǵyzbasty ana, 11 múmkindigi shekteýli azamat qyzmet etedi.
Fabrika basshysy Prezidentke óndiris ornynda qaýipsiz eńbek jaǵdailary jasalǵanyn jáne qyzmetkerlerge úsh mezgil tegin tamaq beriletinin, jumysshylardy tasymaldaý úshin tiisti kólik qarastyrylǵanyn baiandady.
Zamanaýi tigin jabdyqtaryna ie kásiporyn búginde bir ret qoldanylatyn meditsinalyq buiymdar (betperde, halat, kombinezon) jáne arnaýly kiim formalaryn tigedi.
Qasym-Jomart Toqaev fabrikanyń óńirde shaǵyn jáne orta biznesti damytýǵa úlgi bolatynyn aitty.
Prezident fabrikanyń jumysyn joǵary baǵalap, óńirde shaǵyn jáne orta biznesti damytýǵa úles qosa berýine tilektestik bildirdi.
