Memleket basshysy Qasym-Jomart Toqaev Joǵarǵy sot tóraǵasy Jaqyp Asanovty qabyldady, dep habarlaidy Aqorda.
Prezidentke sot júiesin reformalaý barysy týraly aqparat berildi.
Jaqyp Asanov Prezidentke «Qazaqstan Respýblikasynyń sot júiesi men sýdialarynyń mártebesi týraly» Konstitýtsiialyq zańǵa biyl engizilgen ózgertýlerdiń quqyqtyq jáne áleýmettik áseri jaiynda baiandady.
Joǵarǵy sot tóraǵasy jańa Azamattyq protsessýaldyq jáne Ákimshilik rásimdik-protsessýaldyq kodeksterdiń elimizdegi investitsiialyq ahýal men biznestiń damýyna oń yqpal etetinin atap ótti. Onyń aitýynsha, engizilgen túzetýler turaqty ári biryńǵai sot tájiribesin qamtamasyz etedi.
Kezdesý qorytyndysy boiynsha Qasym-Jomart Toqaev derbes sot tóreliginiń tiimdi tetikterin engizýdi, onyń ishinde, sheteldik ozyq tájiribelerdi paidalana otyryp qamtamasyz etýdiń mańyzdy ekenin aitty.
