Memleket basshysy ArcelorMittal kompaniiasynyń atqarýshy tóraǵasy Lakshmi Mittaldy qabyldady, dep habarlaidy "Ult aqparat" Aqordanyń resmi saityna silteme jasap.
Prezidentke Qazaqstandaǵy ArcelorMittal kompaniiasyn odan ári damytý jospary jóninde málimet berildi.
Lakshmi Mittal Qasym-Jomart Toqaevqa óndiristi jańǵyrtýǵa jáne ekologiialyq kórsetkishterdi edáýir jaqsartýǵa baǵyttalǵan jańa investitsiialyq baǵdarlamany tanystyrdy.
Kezdesý barysynda aýaǵa shyǵarylatyn qaldyqtardy 2024 jylǵa qarai 30 paiyzǵa azaitý jáne ekinshi JEO-ny jańǵyrtý jónindegi josparǵa basa mán berildi.
Prezident eńbek ónimdiligin arttyrý, joǵary sapaly ónerkásiptik ónimniń túrlerin kóbeitip, onyń eksportyn ulǵaitý, zamanaýi tehnologiialardy engizý, sondai-aq, jańa jumys oryndaryn ashý kerek ekenin atap ótti.
Memleket basshysy ArcelorMittal kompaniiasy ózi jumys istep jatqan qalalardyń áleýmettik damýyna belsendi atsalysýy, densaýlyq saqtaý jáne eńbek qaýipsizdigi salalary boiynsha eń joǵary standarttardyń saqtalýy mańyzdy ekenin aitty.
