Memleket basshysy Almaty qalasyna jasaǵan jumys sapary aiasynda «Múgedek balalar ata-analarynyń assotsiatsiiasy» qoǵamdyq birlestiginiń BTsSA balalarǵa arnalǵan belsendi ońaltý jáne erte jastan qoldaý ortalyǵyna bardy, dep habarlaidy "Ult aqparat" Aqordaǵa silteme jasap.
Ortalyq múgedek balalar men qimyl-tirek apparatynda aqaýy bar 18 jastan asqan adamdar úshin arnaiy áleýmettik qyzmet kórsetýge mamandandyrylǵan.
Qasym-Jomart Toqaev ońaltý bólmelerin aralap kórip, qyzmetkerlermen áńgimelesti. Memleket basshysyna balalar múgedektiginiń aldyn alýǵa, BTsSA-men aýyratyn balalardy kópjaqty ońaltýǵa jáne jan-jaqty áleýmettik turǵydan jetildirýge baǵyttalǵan pilottyq jobanyń júzege asyrylý barysy týraly baiandaldy.
Prezident atalǵan jobanyń izgi maqsatyn atap ótip, ony búkil Respýblika kóleminde taratýdyń mańyzdylyǵyn aitty. Qasym-Jomart Toqaevtyń aitýynsha, mundai mekemelerdi memlekettik-jekemenshik seriktestik tetikteriniń jáne demeýshilerdiń qarjysyna ashý qajet.
Sońynda Memleket basshysy Ortalyqqa arnaiy jabdyqtalǵan shaǵyn avtobýs tartý etti.
