Memleket basshysy Qasym-Jomart Toqaev Kentýkkidegi joiqyn daýyldyń saldarynan birneshe azamattyń qaza bolǵandyǵyna bailanysty AQSh Prezidenti Djozef Baidenge kóńil aitý jedelhatyn joldady, dep habarlaidy "Ult aqparat" Aqordaǵa silteme jasap.
– Qazaqstan halqynyń jáne jeke ózimniń atymnan jaqyndarynan aiyrylǵan otbasylarǵa qaiǵyryp kóńil aitamyn. Tabiǵi apattan zardap shekkenderdiń tezirek saýyǵyp ketýine tilektestik bildiremin. Osyndai qiyn-qystaý sátte dostas AQSh halqymen birgemiz jáne klimattyń ózgerýine qarsy kúrestegi jahandyq is-qimyldarǵa qosylamyz, – delingen Prezidenttiń jedelhatynda.
