Foto: Akorda.kz
Prezident Aqparat jáne qoǵamdyq damý ministri Darhan Qydyrálini qabyldady, dep habarlaidy "Ult aqparat" Aqordanyń resmi saityna silteme jasap.
Memleket basshysyna ministrliktiń aqparat, qoǵamdyq damý, din jáne etnosaralyq qatynastar, azamattyq sektor, sondai-aq jastar jáne otbasy saiasatyn júzege asyrý baǵytynda atqaryp jatqan jumystary jóninde baiandaldy.
Darhan Qydyráli ministrlik óz jumysynda otandyq teleserialdar óndirisi kólemin ulǵaityp, olardy shetelge taratýǵa, media saýattylyqty arttyrýǵa, sondai-aq azamattyq qoǵammen ózara qarym-qatynasty jandandyrýǵa airyqsha mán berip otyrǵanyn jetkizdi.
Memleket basshysy ministrlik azamattyq qoǵam institýttarymen barlyq deńgeidegi bailanysty kúsheitip, ár saladaǵy ózekti máselelerdi qoǵammen keń kólemde talqylaýǵa ashyq bolýy qajet ekenin atap ótti.
Sonymen qatar Qasym-Jomart Toqaev Darhan Qydyrálige jastar saiasatyna qatysty baǵdarlamalardy tiimdi júzege asyrýdy, dini birlestikter men etnosaralyq qarym-qatynas baǵytyn airyqsha nazarda ustaýdy tapsyrdy.
