Búgin QR Premer-Ministriniń orynbasary Eraly Toǵjanov Densaýlyq saqtaý ministrligi men Nur-Sultan qalasy ákimdiginiń ókilderimen qatań karantindik shekteý sharalaryn jeńildetýdiń birinshi kezeńi aiasynda óz qyzmetin qaita bastaǵan birqatar nysannyń sanitarlyq-epidemiologiialyq jáne termometriia talaptarynyń saqtalý barysyn tekserdi. Bul jóninde primeminister.kz saity habarlady.
Tekserý Mega Silk Way saýda-oiyn-saýyq ortalyǵynda, «Etalon» saýda-qurylys bazarynda jáne Nur-Sultan qalasynyń ortalyq bazarynda júrgizildi.
Saýda nysandaryn aralaý barysynda kásipkerler saýda-oiyn-saýyq ortalyqtary men saýda úileriniń jumys rejimin saǵat 22:00-ge deiin, al bazarlardyń jumys rejimin saǵat 20:00-ge deiin ulǵaitý múmkindigin qarastyrý jóninde bastama kóterdi.
Toǵjanov Densaýlyq saqtaý ministrligine jaqyn arada ótetin COVID-19 taralýyna jol bermeý jónindegi VAK-ta saýda nysandarynyń jumys ýaqytyn ulǵaitý boiynsha kásipkerlerdiń barlyq usynystaryn shyǵarýdy tapsyrdy.
Elordalyq nysandardy aralaý qorytyndysy boiynsha Toǵjanov kásipkerlerdi saýda nysandaryndaǵy sanitarlyq-epidemiologiialyq talaptardy qatań saqtaýǵa shaqyrdy.
Sondai-aq azamattardy ózderiniń jáne jaqyndarynyń densaýlyǵyna muqiiat bolýǵa shaqyrdy.
Óz kezeginde, kásipkerler QR Úkimetine bizneske qoldaý kórsetkeni jáne qamqorlyǵy úshin alǵys aitty.
