Ákimdikter vaktsinatsiialaýǵa jatatyn halyqtyń sanattarymen naqty túsindirý jumystaryn júrgizýi qajet. Bul týraly búgin Úkimet otyrysynda QR Premer-Ministriniń orynbasary Eraly Toǵjanov aitty, dep habarlaidy QazAqparat.
«Barlyq ákimderden halyqty jappai vaktsinatsiialaý jumysyn pysyqtaýdy suraimyz. Qyzyl aimaqtaǵy óńirlerdi jáne adam sanyn eskere otyryp, búgin vaktsina kólemin ulǵaitý jónindegi sheshim qabyldadyq. Onyń ishinde osy aida Almaty qalasyna 464 myń, Nur-Sultan qalasyna 284 myń, Shymkent qalasyna 172 myń, Almaty oblysyna 232 myń jáne Qaraǵandy oblysyna 217 myń vaktsina bólý týraly sheshim qabyldadyq. Bul baǵyttaǵy jumys ary qarai da júrgiziledi», - dedi ol.
Sonymen qatar Eraly Toǵjanov ákimdikter vaktsinatsiialaýǵa jatatyn halyqtyń sanattarymen naqty túsindirý jumystaryn júrgizýi tiistigin basa aitty.
«Aýyldyq jerler men eńbek ujymdaryn qamtý úshin jyljymaly egý beketterin uiymdastyrý jáne olardyń tiisti jabdyqtarmen qamtamasyz etýdi jalǵastyrý kerek», - dedi Úkimet basshysynyń orynbasary.
