Parlament Májilisiniń jalpy otyrysynda «1994 jylǵy 15 sáýirdegi Keden isterindegi yntymaqtastyq jáne ózara kómek týraly kelisimge ózgerister engizý týraly hattamany ratifikatsiialaý týraly» zań jobasy maquldandy, dep habarlaidy "Ult aqparat".
Hattama TMD-ǵa qatysýshy memleketterdiń úkimetteri arasynda yntymaqtastyqty keńeitýge jáne tereńdetýge, járdemdesýge ári ózara kómek kórsetýge baǵyttalǵan.
«Atalǵan TMD memleketteri keden qyzmetteriniń ózara is-qimyl tártibin retteitin negizgi halyqaralyq shart bolyp sanalady. Kelisimge qol qoiylǵannan beri 25 jyl ótti, sol sebepti atalǵan qujat normalaryn tiisti ózgerister engizý jolymen jetildirý qajet», - dep túsindirdi QR Premer-Ministriniń birinshi orynbasary-Qarjy ministri Álihan Samaiylov.
Hattama keden salasyndaǵy TMD normativtik-quqyqtyq bazasyna júrgizilgen túgendeý qorytyndysy boiynsha TMD elderimen birlesip ázirlendi.
«Málimetterdi berý, saýaldardyń mazmuny, saýaldy oryndaý, alynǵan aqparatty paidalaný máselelerine qatysty birqatar negizgi baptarǵa ózgerister engizý usynylady. Aqparatpen almasý ortalyq keden organdary arasynda da, sol siiaqty tikelei aýmaqtyq organdarynyń arasynda da júzege asyrýdy kózdeitin erejeler engizildi. Zań jobasyn qabyldaý kedendik baqylaýdyń tiimdiligin kóterýge, keden zańnamasyn buzý táýekelderin barynsha azaitýǵa, TMD elderi keden organdarynyń qyzmetin úilestirý men tiimdi ózara is-qimylyn qamtamasyz etýge yqpal etedi», - dedi Á. Smaiylov.
