Turǵyn úi qurylys jinaq banki «Nurly jer» baǵdarlamasynyń jańa baǵyty retinde «5-10-20» pilottyq jobasyn iske qosady, dep habarlaidy "Ult aqparat" atalǵan banktiń baspasóz qyzmetine silteme jasap.
«5-10-20» pilottyq jobasyna turǵyn úige muqtaj retinde jergilikti atqarýshy organdarda esepte turǵan azamattar qatysa alady.
Baspanany «Nurly jer» baǵdarlamasynyń aiasynda salynǵan jańa turǵyn úi keshenderinen de, jeke qurylys salýshylardan da satyp alýǵa bolady. Qazir jobanyń sharttary talqylanyp jatyr jáne kelesi parametrler usynylýda:
- Nur-Sultan, Almaty jáne osy qalalardyń mańyndaǵy aimaqtar úshin 18 mln aspaidy;
- Atyraý, Aqtaý, Aqtóbe, Túrkistan jáne Qaraǵandy oblystary, sondai-aq Shymkent qalasy úshin 15 mln teńgeden aspaidy;
- basqa aimaqtar úshin 12 mln teńgeden aspaidy.
Ákimdikter salǵan nesie turǵyn úi boiynsha 1 sharshy metrdiń baǵasy:
240 myń teńgege deiin – Almaty qalasynda;
220 myń teńgege deiin – Nur-Sultanda jáne osy qala mańyndaǵy aimaqta;
200 myń teńgege deiin – Shymkent qalasynda jáne Almaty mańyndaǵy aimaqta;
180 myń teńgege deiin – Aqtóbe, Atyraý, Aqtaý, Túrkistan jáne Qaraǵandy oblystarynda;
160 myń teńgege deiin – basqa aimaqtarda.
«5-10-20» pilot jobasy halyqty turǵyn úimen qamtamasyz etýge arnalǵan qosymsha shara retinde ázirlenip jatyr.
