Almaty qalalyq qoǵamdyq densaýlyq saqtaý basqarmasynyń ókili, telemeditsina ortalyǵynyń direktory Laýra Myrzaǵali onlain brifing barysynda Almaty máslihatynyń depýtattaryna koronavirýsqa qarsy vaktsina ne úshin salynǵanyn aityp berdi, dep habarlaidy QazAqparat.
Onyń aitýynsha, búginde densaýlyq saqtaý ministrligi belgilep bergen adamdarǵa vaktsinatsiia jasalýda. Olar - meditsina qyzmetkerleri, muǵalimder, áskeri jáne politsiia qyzmetkerleri, stýdentter, mektepke deiingi uiym qyzmetkerleri, dispanserde esepte turǵan adamdar.
Onlain brifing barysynda jýrnalister spikerden densaýlyq saqtaý ministrligi bekitken tizimge enbegen depýtattarǵa nege vaktsina salynǵanyn surady.
«Arnaiy qor bar. Málimetter bazasynda vaktsinatsiialanǵan barlyq adamdar qyzmeti boiynsha naqty sipattalǵan. Basshylyq laýazymdaǵy adamdar qajet bolǵan jaǵdaida vaktsina alýy kerek. Depýtattar - únemi halyqpen, meditsina qyzmetkerlerimen jáne taǵy basqalarmen bailanysta bolatyn adamdar. Sondyqtan, arnaiy qordyń sheshimimen bul adamdarǵa vaktsina egildi. Almatyǵa bólingen doza ońdy-soldy taratylmaidy. Munyń bári keiinirek tekseriledi», - dep jaýap berdi Laýra Myrzaǵali.
