Pavlodar oblysynda it turǵyndy tistep aldy. Zardap shekken er adam aýrýhanaǵa jetkizildi, al it iesine aiyppul salyndy, - dep habarlaidy Tengrinews.kz.
Pavlodar oblysy Politsiia departamentiniń baspasóz qyzmeti málimetinshe, oqiǵa 20 qazanda keshke Pavlodar oblysy Úmit aýylynda bolǵan.
"Aýyl shetine malynyń aldynan shyqqan 62 jastaǵy jergilikti turǵynǵa tóbet tuqymdas it shabýyl jasaǵan. It tistegen jerin julyp alǵan", - dedi PD baspasóz qyzmeti ókilderi.
Oqiǵa kýágerleri jedel járdem men politsiia shaqyrǵan. It jábirlenýshiniń qolyn birneshe jerden tistegen. Sonymen qatar, bilektiń ústińgi jaǵyn tistep julyp alǵan. Er adam Pavlodar aýrýhanasyna jatqyzyldy.
Politseiler it iesi anyqtalǵanyn aitty.
"Janýardyń iesine qatysty QR ÁQBtK-niń 408-baby 2-bóligi "Jeke tulǵalardyń densaýlyǵyna nemese múlkine ziian keltirgen itterdi ustaý jáne serýendetý erejelerin buzý" boiynsha ákimshilik is qozǵaldy", - dedi Pavlodar oblysy Politsiia departamenti baspasóz qyzmeti ókilderi.
