Amerika Qurama Shtattarynyń Qazaqstan Respýblikasyndaǵy Elshisi Ýiliam Mozer qazaqstandyqtardy Táýelsizdik kúnimen quttyqtady, dep habarlaidy "Ult aqparat" elshiliktiń Instagram-paraqshasyna silteme jasap.
«Qurmetti qazaqstandyqtar! Men prezident Tramp pen Memlekettik hatshy Pompeoǵa qosyla otyryp, Sizderdi asa mańyzdy ulttyq mereke – Táýelsizdik kúnimen shyn júrekten quttyqtaimyn! Mereke qutty bolsyn», - dedi Ýiliam Mozer.
Keiinnen elshi «MýzArt» tobynyń «Óz elim» ániniń sózderinen úzindi oqyp berdi.
«Túlegi sender, tilegi sender, tiregi sender sol eldiń. Nazary sender, bazary sender, ajary sender bul eldiń», - dep AQSh elshisi ánniń sózderin keltirdi.
