Májilismen Muhtar Tinikeev týraly daýly videonyń túsirilgen ýaqyty ataldy, - dep habarlaidy "Ult aqparat" kaz.tengrinews.kz portalyna silteme jasap.
Osyǵan deiin Tinikeev nv.kz basylymynyń tilshilerine bul roliktiń eki jyl buryn túsirilgenin málimdegen bolatyn. "Bul - eski video. Eki jyl buryn bolǵan. Bul - ázil", - dep jaýap bergen edi tilshige depýtat.
Daýly videodaǵy teledidarǵa qarasaq, ondaǵy siýjette kórsetilip jatqan oqiǵa 2016 jyldyń jeltoqsanynda bolǵan. Teledidarda "Vesti" telearnasynyń Mýrmanskide túsirilgen siýjeti kórsetiledi. Telearnanyń saitynda bul siýjet biyl 17 jeltoqsanda jariia bolǵan.
Daýly videodaǵy kadr
"Vesti" telearnasyndaǵy siýjettiń kadry
Reseilik telearnanyń saitynda jariialanǵan siýjette reporterdiń shash úlgisi men kiimi daýly videodaǵy siýjette turǵan adamnyń shashy men kiimine uqsaidy. Sondai-aq, jańalyqta kórsetilgen kadrlar da Tinikeev túsirilgen videodaǵy teledidarda kórsetiledi. Soǵan qaraǵanda, Tinikeev túsirilgen videodaǵy oqiǵa jeltoqsan aiynyń ortasynda túsirilgen. Álde reseilik telearna óziniń eski siýjetin eki jyldan keiin jariialaýdy uiǵarǵan.
Eske salaiyq, 20 jeltoqsanda WhatsApp Parlamenttiń tómengi palatasynyń depýtaty Muhtar Tinikeevke uqsaityn adam kórsetilgen birneshe video tarady. Kadrlardan oqiǵanyń dastarhan basynda bolǵanyn kórýge bolady. Eki er adam turyp alyp, janjaldasyp jatady. Májilismen Muhtar Tinikeevke daýsy da, ózi de uqsaityn adam taǵy eki er adamnyń kózinshe bireýden jaýap alady. Depýtatqa uqsaityn er adam áńgimelesýshisine bylapyt sóz aityp, soqqy jasaidy.
Qazirgi ýaqytta QR Parlamentiniń tómengi palatasynyń depýtaty Muhtar Tinikeev paida bolǵan videoǵa qatysty pikir bildirmedi. Tengrinews.kz tilshisimen áleýmettik jelide bailanysqan ol videonyń eki jyl burynǵy ekenin ǵana atap ótti.
