Májilis depýtaty Gleb Shegelskii Muhtar Tinikeevtiń aýrýhanaǵa túsýine jelide óziniń qatysýymen tarap jatqan videonyń áserinen kúizeliske ushyraǵany sebep bolǵanyn aitady, - dep habarlaidy "Ult aqparat" kaz.tengrinews.kz portalyna silteme jasap.
"Ol búgin jospar boiynsha Germaniiaǵa ushyp ketýi kerek bolǵan, onyń joldamasy men bileti de bolǵan. Alaida keshe jaǵdai basqasha bolýyna bailanysty ony dereý tekserýge jatqyzdy", - dedi Gleb Shegelskii.
Depýtattyń aitýynsha, Tinikeev QR Prezidenti isteri basqarmasynyń Meditsinalyq ortalyǵynyń aýrýhanasynda jatyr. Arnaiy qurylǵy májilismenniń júrek soǵysyn baqylap otyrady, 22 jeltoqsanda dárigerler naqty bir diagnoz qoiady.
"Sonymen qatar, Qýanysh Sultanov etika komissiiasynyń osy máseleni (Tinikevtiń) qarastyryp jatqanyn habarlady", - dedi Shegelskii.
Eske salaiyq, 20 jeltoqsanda WhatsApp-ta Parlamenttiń tómengi palatasynyń depýtaty Muhtar Tinikeevke uqsaityn adam kórsetilgen birneshe video taraǵan bolatyn. Kadrlardan oqiǵanyń dastarhan basynda bolǵanyn kórýge bolady. Eki er adam turyp alyp, janjaldasyp jatady. Májilismen Muhtar Tinikeevke daýsy da, ózi de uqsaityn adam taǵy eki er adamnyń kózinshe bireýden jaýap alady. Depýtatqa uqsaityn er adam áńgimelesýshisine bylapyt sóz aityp, soqqy jasaidy.
QR Parlamentiniń tómengi palatasynyń depýtaty Muhtar Tinikeev paida bolǵan videoǵa qatysty nv.kz tilshisine pikir bildirgen. Tengrinews.kz tilshisimen áleýmettik jelide bailanysqan ol videonyń eki jyl burynǵy ekenin ǵana atap ótti.
Keiin májilismen Muhtar Tinikeevtiń qatysýymen túsirilgen videonyń shamamen qashan túsirilgeni belgili boldy.
