Timýr Súleimenov Qazaqstan Respýblikasy Prezidentiniń Ákimshiligi Basshysynyń birinshi orynbasary bolyp taǵaiyndaldy, dep habarlaidy "Ult aqparat" Aqordanyń resmi saityna silteme jasap.
Súleimenov buǵan deiin Prezident Ákimshiligi Basshysynyń orynbasary qyzmetin atqarǵan.
Taiaýda aqparat jáne qoǵamdyq damý ministrliginiń eks-basshysy Aida Balaeva men Prezidenttiń halyqaralyq yntymaqtastyq jónindegi burynǵy arnaiy ókili Erjan Qazyhan Prezident Ákimshiligi Basshysynyń orynbasarlary bolyp taǵaiyndalǵan bolatyn.
Al, Prezident Ákimshiligin Erlan Qoshanov basqarady.
Aita keteiik, Timýr Súleimenov 1978 jyly 5 sáýirde dúniege kelgen. 2000 jyly Pavlodar memlekettik ýniversitetin bitirip, 2002 jyly "Bolashaq" baǵdarlamasymen Merilend ýniversitetinde iskerlik ákimshilendirý magistri mamandyǵy boiynsha bilim alǵan.
Ár jyldary ekonomika jáne biýdjettik josparlaý vitse-ministri, ekonomikalyq damý jáne saýda vitse-ministri, ulttyq ekonomika ministri qyzmetin atqardy.
2019 jyldyń naýryzynda ulttyq bank tóraǵasynyń orynbasary bolyp taǵaiyndalyp, kóp uzamai prezidenttiń kómekshisi boldy.
2019 jyldyń shildesinen búgingi kúnge deiin – prezident ákimshiligi basshysynyń orynbasary.
"Qurmet", "Eren eńbegi úshin" ordenderimen jáne basqa medaldarmen marapattalǵan.
