SpaceX jáne Tesla kompaniiasynyń negizin qalaýshy Ilon Maskty Time jýrnaly Jyl adamy dep tanydy.
"Álemdegi eń bai adamnyń úii joq, ol jaqynda barlyq dúniesin satty. Ol Jer serigin orbitaǵa ushyryp, Kún energiiasyn paidalanyp jatyr. Ol benzindi jáne júrgizýshini qajet etpeitin, ózi jasap shyǵarǵan kólikpen júredi", - delingen Maskqa arnalǵan maqalada.
Mask osyǵan deiin dáýleti 300 mlrd dollardan asatyn álemdegi birinshi milliarder atanǵan.
2020 jyly Jyl adamy nominatsiiasynyń jeńimpazdary AQSh prezidenti Djo Baiden men vitse-prezident Kamala Harris bolǵan. 2019 jyly Times jýrnalynyń basty betine shvedtiń eko belsendisi Greta Týnberg shyqqan.
Budan bólek Time jýrnaly jyl batyrlaryn da atady. Olar - vaktsina jasaý metodyn oilap tapqandar Driý Vaisman, Barni Grem, Katalin Kariko jáne Kizzmekiia Korbett. Osy tehnologiianyń arqasynda Pfizer/ BioNTech jáne Moderna kompaniialary COVID-19 virýsyna qarsy vaktsina oilap tapty.
Forbes jýrnaly qazan aiynyń sońynda Ilon Masktyń bailyǵyn 271,3 mlrd dollar dep baǵalaǵan. Biyl kúzde Tesla aktsiiasynyń quny sharyqtap, birden 13 paiyzǵa qymbattaǵan edi.
