Amerikanyń The World's Vest baiqaýynda Qazaqstannyń atynan óner kórsetip jatqan Dimash Qudaibergen men Daneliia Tóleshovanyń óner kórsetken videosy jariialandy. Otandastarymyzdyń ekeýi de úshinshi týrǵa ótti, dep habarlaidy QazAqparat.
Ekinshi týrda Dimash Qudaibergen sahnaǵa ulttyq naqyshtaǵy altyn tústes kostiým kiip shyqty. Otandasymyz Selin Dionnyń All by myself kompozitsiiasyn oryndady.
"Juldyz týdy", - dedi ádil qazylar alqasynyń múshesi, akter Rý Pol.
Ekinshi kezeńde Dimashtyń qarsylasy monah qyzy Kristina boldy. Kristina Braziliiada qaiyrymdylyqpen ainalysqan, keiin monah qyzdardyń dini qaýymyna kirgen.
Daýys berý qorytyndysy boiynsha Kristina 39, al Dimash 94 ball jinady.
Condai-aq, Qazaqstan atynan baǵyn synap jatqan jas daryn Daneliia Tóleshova da CBS telearnasyndaǵy The World"s Best daryndylar shoýynyń ekinshi kezeńinde jeńiske jetti.
"Jekpe-jekter" kezeńinde qazaqstandyq ánshi oń qoly joq ekenine qaramastan mýzykalyq aspapta sheber oinaityn japon skripkashysy Manami Itomen saiysqa tústi.
Tóleshova sahnada áigili Demi Lovatonyń Stone Cold kompozitsiiasyn oryndady, Daneliia buǵan deiin osy ánmen "Daýys. Balalar. Ýkraina" baiqaýynyń ádil-qazylaryn tańǵaldyrǵan edi.
"Vokal ǵajaiyby" atanǵan Daneliia 71, al qarsylasy 60 ball aldy.
