Tergeý barysynda azamattardyń quqyqtaryn buzý derekteri boiynsha 109 shaǵym tústi. Bul týraly búgin Ortalyq kommýnikatsiialar qyzmetinde QR Bas prokýratýrasy birinshi qyzmet basshysynyń orynbasary Eldos Qilymjanov málim etti, dep habarlaidy QazAqparat.
«Aldynda kórsetilgendei, prokýratýra organdary qaiǵyly oqiǵalardy tergeý kezinde zańdylyqtyń saqtalýyn qamtamasyz etedi. Búginge, prokýratýra organdaryna tyiym salynǵan tergeý ádisterine jáne quqyq qorǵaý organdary qyzmetkerleriniń tergeý barysynda azamattardyń quqyqtaryn buzý derekteri boiynsha 109 shaǵym tústi. Bilikti jáne laýazymdyq ókilettikterdi asyra paidalaný týraly 11 shaǵym boiynsha prokýrorlarmen sotqa deiingi tergep-tekserýler bastaldy, al qylmystyq qýdalaý organdary prokýratýranyń nusqaýymen 10 qylmystyq isti tirkedi», - dedi Qilymjanov.
Onyń aitýynsha, qazirgi kezde 21 qylmystyq is óndiriste, olardyń ishinen 20-sy sybailas jemqorlyqqa qarsy qyzmetkerlerimen jáne bireýi arnaiy prokýrorlarmen tergelýde.
«43 aryz boiynsha tekserýler jalǵasýda, 22-si óz dálelin tappady. Esterińizge sala keteiik, quqyq qorǵaý organdary qyzmetkerleriniń is-áreketterine jedel shara qoldaý maqsatynda elimizdiń barlyq óńirlerinde arnaiy mobildi toptar qurylǵan. Kezekshi prokýrorlardyń barlyq bailanys telefondary «prokuror.gov.kz» resmi saitynda ornalastyryldy», - dedi Bas prokýratýra ókili.
Onyń sózine qaraǵanda,prokýratýra organdary halyq arasynda kóz jumǵandardyń qaza bolý mán-jailaryn anyqtaý jumystaryn jalǵastyrýda. Ár jaǵdai boiynsha ólimniń sebepteri tolyq zerdelenip jatyr.
