تەرگەۋ بارىسىندا ازاماتتاردىڭ قۇقىقتارىن بۇزۋ دەرەكتەرٸ بويىنشا 109 شاعىم تٷستٸ. بۇل تۋرالى بٷگٸن ورتالىق كوممۋنيكاتسييالار قىزمەتٸندە قر باس پروكۋراتۋراسى بٸرٸنشٸ قىزمەت باسشىسىنىڭ ورىنباسارى ەلدوس قيلىمجانوۆ مەلٸم ەتتٸ, دەپ حابارلايدى قازاقپارات.
«الدىندا كٶرسەتٸلگەندەي, پروكۋراتۋرا ورگاندارى قايعىلى وقيعالاردى تەرگەۋ كەزٸندە زاڭدىلىقتىڭ ساقتالۋىن قامتاماسىز ەتەدٸ. بٷگٸنگە, پروكۋراتۋرا ورگاندارىنا تىيىم سالىنعان تەرگەۋ ەدٸستەرٸنە جەنە قۇقىق قورعاۋ ورگاندارى قىزمەتكەرلەرٸنٸڭ تەرگەۋ بارىسىندا ازاماتتاردىڭ قۇقىقتارىن بۇزۋ دەرەكتەرٸ بويىنشا 109 شاعىم تٷستٸ. بيلٸكتٸ جەنە لاۋازىمدىق ٶكٸلەتتٸكتەردٸ اسىرا پايدالانۋ تۋرالى 11 شاعىم بويىنشا پروكۋرورلارمەن سوتقا دەيٸنگٸ تەرگەپ-تەكسەرۋلەر باستالدى, ال قىلمىستىق قۋدالاۋ ورگاندارى پروكۋراتۋرانىڭ نۇسقاۋىمەن 10 قىلمىستىق ٸستٸ تٸركەدٸ», - دەدٸ قيلىمجانوۆ.
ونىڭ ايتۋىنشا, قازٸرگٸ كەزدە 21 قىلمىستىق ٸس ٶندٸرٸستە, ولاردىڭ ٸشٸنەن 20-سى سىبايلاس جەمقورلىققا قارسى قىزمەتكەرلەرٸمەن جەنە بٸرەۋٸ ارنايى پروكۋرورلارمەن تەرگەلۋدە.
«43 ارىز بويىنشا تەكسەرۋلەر جالعاسۋدا, 22-سٸ ٶز دەلەلٸن تاپپادى. ەستەرٸڭٸزگە سالا كەتەيٸك, قۇقىق قورعاۋ ورگاندارى قىزمەتكەرلەرٸنٸڭ ٸس-ەرەكەتتەرٸنە جەدەل شارا قولداۋ ماقساتىندا ەلٸمٸزدٸڭ بارلىق ٶڭٸرلەرٸندە ارنايى موبيلدٸ توپتار قۇرىلعان. كەزەكشٸ پروكۋرورلاردىڭ بارلىق بايلانىس تەلەفوندارى «prokuror.gov.kz» رەسمي سايتىندا ورنالاستىرىلدى», - دەدٸ باس پروكۋراتۋرا ٶكٸلٸ.
ونىڭ سٶزٸنە قاراعاندا,پروكۋراتۋرا ورگاندارى حالىق اراسىندا كٶز جۇمعانداردىڭ قازا بولۋ مەن-جايلارىن انىقتاۋ جۇمىستارىن جالعاستىرۋدا. ەر جاعداي بويىنشا ٶلٸمنٸڭ سەبەپتەرٸ تولىق زەردەلەنٸپ جاتىر.
