Elordada túngi ýaqytta kólikterdiń terezesin syndyryp, tonaýmen ainalysqan kúdiktiler ustaldy. Bul jaiynda Nur-Sultan qalalyq Politsiia departamentinen málim etti, dep habarlaidy QazAqparat.
Vedomstvo málimetinshe, qaskúnemder eki tún qatarynan «VAZ 21014» markaly 2 avtokólikti tonaǵan. Kúdiktiler avtokólikterden borttyq kompiýterler, avtomagnitolalar men qysqy dóńgelekterdi alyp ketken.
«Túngi ýaqytta dabyl júiesi ornatylmaǵan «VAZ 21014» markaly avtokólikti baiqaǵan eki jigittiń biri artqy terezeni syndyrý arqyly salonǵa kirgen. Kelesi kúni de urylar dál osy tásilmen ekinshi avtokólikke urlyqqa túsken. Qylmys barysynda olar kólikterdiń apattyq jaǵdaiǵa arnalǵan balǵasyn qoldanǵan», - dep atap ótedi departamentten.
Jedel-izdestirý is-sharalary barysynda politsiia qyzmetkerleri 21 jáne 24 jastaǵy eki kúdiktini ustady. Urlanǵan zattar jigitterdiń turǵylyqty jerinen tabylyp, tárkilendi.
Atalǵan faktige sáikes QR QK-niń 188-baby boiynsha sotqa deiingi tergeý júrgizilýde. Olardyń elorda aýmaǵynda buryn jasalǵan osyǵan uqsas qylmystarǵa qatystylyǵy anyqtalýda», - delingen taratylǵan aqparatta.
