Qazaqstannyń birinshi, álemniń 18-raketkasy Elena Rybakina Strasbýrg týrniriniń finalynda qarsylasyna ese jiberdi, dep habarlaidy "Ult aqparat".
Qazaqstandyq tennisshi finalda álemniń 5-raketkasy, ýkrainalyq Elina Svitolinamen bas júldeni sarapqa saldy.
Birinshi partiiada ýkrainalyq sportshy 6:4 esebimen basym tússe, ekinshisinde Elena ese qaiyrdy - 6:1.
Úshinshi, sheshýshi partiiada E.Svitolina basym tústi - 6:2.
Tartysty báseke 1 saǵat 52 minýtqa sozyldy.
E.Rybakinanyń WTA jarysynda finalǵa deiin jetýi de - jaqsy kórsetkish. Endi erteń Parijde bastalatyn Frantsiia ashyq chempionatynda sátti óner kórsetse, tabysy kóbeiip, reitingisi joǵarylaityny anyq.
