Qazaqstannyń birinshi, álemniń 19-raketkasy Elena Rybakina Dýbai týrniriniń shirek finalyna shyqty, dep habarlaidy "Ult aqparat".
Rybakina ekinshi ainalymda dúniejúzilik reitingte 58-orynda turǵan chehiialyq Katerina Siniakovamen sheberlik baiqasty.
Qazaqstandyq sportshy birinshi partiiany óz esebine jazdy – 6:3.
Ekinshi sette de breik jasap, 3:1 esebimen alǵa shyqty. Aqyry matchty taǵy bir breikpen túiindedi – 6:3.
Báseke 1 saǵat 11 minýtqa sozyldy.
E.Rybakina júlde qory 3 mln AQSh dollaryna jýyqtaityn iri dodanyń jartylai finalyna shyǵý úshin álemniń úshinshi, osy týrnirdiń 2-raketkasy, chehiialyq Karolina Plishkovamen talasady.
Eske sala keteiik, budan buryn E.Rybakinanyń Dýbaida Aýstraliia chempionyn utqanyn jazǵan bolatynbyz.
