Qazaqstandyq Zarina Diias Aýstraliia ashyq chempionatynyń úshinshi ainalymyna shyqty, - dep habarlaidy QazAqparat.
Dúniejúzilik reitingte 73-orynda turǵan Z.Diias ekinshi ainalymda álemniń 58-raketkasy, reseilik Anna Blinkovamen kezdesti.
Buǵan deiin 21 jastaǵy A.Blinkova ótken jyly Beijiń týrniriniń irikteý saiysynda 1993 jylǵy Z.Diiasty 6:2, 7:5 esebimen utqan edi. Al biyl Qytaidaǵy Shenchjen dodasynda Zarina 6:1, 6:7 (9:11), 6:4 esebimen ese qaiyrǵan bolatyn.
Birinshi partiiada qazaqstandyq tennisshi 4:2 esebimen alǵa shyqqanymen, sol basymdylyqty ustap tura almai, jeńilip qaldy – 4:6.
Esesine ekinshi sette 6:3 esebimen qarymta qaiyrdy. Bul partiia kezinde jańbyrǵa bailanysty úzilis oryn aldy.
Sheshýshi, úshinshi partiiada Zarina breikpen 2:0 esebimen alǵa shyqqanymen, qarsylasy qatarynan úsh geimdi aldy. Degenmen Zarina sol boida qaita teńestirip, ózi alǵa ketti – 4:3. Sodan keiin esep 5:4 bolǵan kezde A.Blinkova dop bergende, ekinshi matchbolyn sátti paidalandy – 6:4.
Asa tartysty match 2 saǵat 8 minýtqa sozyldy.
Z.Diias úshinshi ainalymda álemniń onynshy, osy jarystyń 9-raketkasy, Niderlandy ókili Kiki Bertens nemese reitingte 163-satydaǵy aýstraliialyq Arina Rodionovanyń bireýimen sheberlik baiqasady.
Eske sala keteiik, budan buryn Aýstraliia birinshiliginiń úshinshi ainalymyna shyqqan Elena Rybakinanyń álemniń birinshi raketkasymen kezdesetinin jazǵan bolatynbyz.
