Qazaqstannyń birinshi, álemniń 26-raketkasy Elena Rybakina Aýstraliia ashyq chempionatynyń ekinshi ainalymyna shyqty, – dep habarlaidy QazAqparat.
Osy «Úlken dýlyǵa» týrniriniń 29-raketkasy bolyp tirkelgen qazaqstandyq tennisshi alǵashqy kezdesýin reitingte 65-orynda turǵan amerikalyq Bernarda Peramen ótkizdi. E.Rybakina qarsylasyn 6:3, 6:2 esebimen qinalmai jeńdi. Báseke 1 saǵat 5 minýtqa sozyldy.
E.Rybakina ekinshi ainalymda álemniń 94-raketkasy, Belarýs ókili Aleksandra Sasnovich nemese reitingte 119-satydaǵy belgiialyq Grete Minnenniń bireýimen sheberlik baiqasady.
Eske sala keteiik, budan buryn E.Rybakinanyń reitingte kóterilgenin jazǵan bolatynbyz.
