قازاقستاننىڭ بٸرٸنشٸ, ەلەمنٸڭ 26-راكەتكاسى ەلەنا رىباكينا اۋسترالييا اشىق چەمپيوناتىنىڭ ەكٸنشٸ اينالىمىنا شىقتى, – دەپ حابارلايدى قازاقپارات.
وسى «ٷلكەن دۋلىعا» تۋرنيرٸنٸڭ 29-راكەتكاسى بولىپ تٸركەلگەن قازاقستاندىق تەننيسشٸ العاشقى كەزدەسۋٸن رەيتينگتە 65-ورىندا تۇرعان امەريكالىق بەرناردا پەرامەن ٶتكٸزدٸ. ە.رىباكينا قارسىلاسىن 6:3, 6:2 ەسەبٸمەن قينالماي جەڭدٸ. بەسەكە 1 ساعات 5 مينۋتقا سوزىلدى.
ە.رىباكينا ەكٸنشٸ اينالىمدا ەلەمنٸڭ 94-راكەتكاسى, بەلارۋس ٶكٸلٸ الەكساندرا ساسنوۆيچ نەمەسە رەيتينگتە 119-ساتىداعى بەلگييالىق گرەتە ميننەننٸڭ بٸرەۋٸمەن شەبەرلٸك بايقاسادى.
ەسكە سالا كەتەيٸك, بۇدان بۇرىن ە.رىباكينانىڭ رەيتينگتە كٶتەرٸلگەنٸن جازعان بولاتىنبىز.
