Qazaqstandyqtar Andrei Golýbev pen Aleksandr Nedovesov juptyq synda Frantsiiadaǵy Kemper chellendjer týrniriniń jeńimpazy atandy, dep habarlaidy "Ult aqparat".
Qazaqstandyq jup finalda horvatiialyqtar Ivan Sabanov jáne Matei Sabanovpen bas júldeni sarapqa saldy.
Bir saǵattan astam ýaqytqa sozylǵan matchta A.Golýbev pen A.Nedovesov 6:4, 6:2 esebimen jeńiske jetti.
Qazaqstandyqtar finalǵa deiin úsh kezdesý ótkizip, qarsylastaryn tize búktirgen bolatyn.
Eske sala keteiik, budan buryn Novak Djokovichtiń segizinshi márte Aýstraliia chempiony atanǵanyn, qazaqstandyq tennisshilerdiń reitingte joǵary kóterilgenin jazǵan bolatynbyz.
