Qazaqstannyń birinshi, álemniń 18-raketkasy Elena Rybakina Strasbýrg (Frantsiia) WTA týrniriniń jartylai finalyna shyqty, dep habarlaidy "Ult aqparat".
Osy jarystyń 5-raketkasy bolyp tirkelgen qazaqstandyq tennisshi shirek finalda álemdik reitingte 40-orynda turǵan qytailyq Chjan Shýaimen kezdesti.
Birinshi partiiada E.Rybakina 5:2 esebimen alǵa ketti. Sol basymdylyqty ýysynan shyǵarǵan joq – 6:3.
Ekinshi sette de qazaqstandyq tennisshi breikpen alǵa shyqty – 2:1. Taǵy bir breik – 4:1. Budan keiin qytailyq sportshy breik jasap, esepti qysqarta aldy – 2:4. Degenmen ile-shala qaiyra breik jasaǵan Elena esepti 5:2-ge jetkizdi. Aqyry ol matchqa dop bergende, múmkindigin múlt jibermedi – 6:2.
Báseke týra bir saǵatqa sozyldy.
E.Rybakina finalǵa shyǵý úshin álemniń 84-raketkasy, japoniialyq Nao Hibinomen talasady.
N.Hibino shirek finalda Rolan Garros týrniriniń 2017 jylǵy jeńimpazy, qazir álemniń 43-raketkasy, latviialyq Elena Ostapenkony 7:6 (7:2), 7:6 (7:4) esebimen tize búktirdi. Onyń aldynda japoniialyq sportshy Zarina Diiasty da utyp ketken bolatyn. Endi E. Rybakina sonyń esesin qaitara ala ma, ony aldaǵy oiyn kórsetedi.
