Qazaqstandyqtar Elena Rybakina men Zarina Diias búgin jańartylǵan WTA reitinginde joǵary kóterildi, dep habarlaidy "Ult aqparat".
Qazaqstannyń birinshi raketkasy E.Rybakina 23-ten 22 satyǵa joǵarylady.
Elenanyń úzdik kórsetkishi 17-oryn bolatyn. Iýliia Pýtintseva 30-ornynda qalsa, Zarina Diias 90-nan 89-ǵa kóterildi.
Reitingide úzdik úshtikte burynǵysha aýstraliialyq Eshli Barti, japoniialyq Naomi Osaka, rýmyniialyq Simona Halep keledi.
Juptyq synda Galina Voskoboeva 87-den 86-ǵa, Anna Danilina 128-den 127-ge, Iu.Pýtintseva 192-den 189-ǵa jaiǵasty.
Erler arasynda ATP reitingisinde Qazaqstannyń birinshi raketkasy Aleksandr Býblik 42-den 43-ke, Dmitrii Popko 181-den 182-ge syrǵysa, Mihail Kýkýshkin 106-dan 104-ke kóterildi.
Álemdik reitingide serbiialyq Novak Djokovich kósh bastasa, keshe Barselona týrnirinde jeńimpaz atanǵan ispaniialyq Rafael Nadal reseilik Daniil Medvedevti yǵystyryp, ekinshi orynǵa shyqty.
Juptyq synda Andrei Golýbev 82-inshi, Mihail Kýkýshkin 92-inshi, Aleksandr Nedovesov 103-ornyn saqtap qalsa, A.Býblik 101-den 100-ge joǵarylady.
