Qazaqstannyń birinshi, álemniń 23-raketkasy Elena Rybakina Maiami WTA 1000 týrniriniń úshinshi ainalymyna shyqty, dep habarlaidy "Ult aqparat".
Osy dodanyń 21-raketkasy bolyp tirkelgen E.Rybakina jarysty ekinshi ainalymnan bastap, dúniejúzilik reitingte 64-orynda turǵan estoniialyq Kaiia Kanepimen kezdesti.
Qazaqstandyq sportshy 21-de bolsa, tájiribeli Kanepi 35 jasta edi.
Qarsylastar matchty breik almasýmen bastady – 1:1. K.Kanepi taǵy bir breikke qol jetkizdi – 3:2. Degenmen qazaqstandyq tennisshi tarazy basyn teńestirdi – 4:4. Sosyn setti taǵy bir breikpen túiindedi – 6:4.
Ekinshi partiiada E.Rybakina breikpen alǵa ketti – 3:0. Sodan soń esepti 5:0-ge jetkizdi. Aqyry bul sette qarsylasyna birde-bir geim bergen joq – 6:0.
Báseke 1 saǵat 14 minýtqa sozyldy.
E.Rybakina úshinshi ainalymda álemniń 14-raketkasy, amerikalyq Djennifer Breidi nemese reitingte 58-satydaǵy ispaniialyq Sara Sorribes-Tormonyń bireýimen sheberlik baiqasady.
Osy masters týrniriniń (jalpy júlde qory – 3,26 mln AQSh dollary) úshinshi ainalymyna shyqqandar 26 myń dollar tabady.
Eske sala keteiik, budan buryn Aleksandr Nedovesov pen Andrei Golýbevtiń Horvatiiadaǵy týrniriniń jartylai finalyna shyqqanyn, Mihail Kýkýshkinniń Maiami jarysyn jeńispen bastaǵanyn jazǵan bolatynbyz.
Alaida, A.Nedovesov pen A.Golýbev Zadar dodasynyń finalyna shyǵa almady. Qazaqstandyq jup jartylai finalda slovakiialyqtar Lýkash Klein - Aleks Molchannan 3:6, 4:6 esebimen utylyp qaldy.
