Qazaqstandyqtar Aleksandr Býblik Barselonada, Zarina Diias Ystanbulda ótetin týrnirlerge qatysady, dep habarlaidy QazAqparat.
Qazaqstannyń birinshi, álemniń 42-raketkasy A.Býblik 19-25 sáýir aralyǵynda ótetin Barselona ATP 500 týrnirinde óner kórsetedi.
Qazaqstandyq tennisshi alǵashqy ainalymda reitingide 58-orynda turǵan ispaniialyq Alehandro Davidovich Fokinamen kortqa shyǵady.
Dodada ispaniialyq Rafael Nadal, grekiialyq Stefanos Tsitsipas, reseilik Andrei Rýblev sekildi myqty tennisshiler oinaidy.
Taǵy bir qazaqstandyq Mihail Kýkýshkin Barselonada irikteý saiystarynan asa almady.
19-25 sáýir aralyǵynda sondai-aq Ystanbulda áielder arasynda WTA 250 týrniri ótedi.
Júlde qory 235 myń AQSh dollarynan asatyn jarysta qazaqstandyq, reitingide 90-oryndaǵy Zarina Diias álemniń 64-raketkasy, asa tájiribeli estoniialyq Kaiia Kanepimen sheberlik baiqasady. Budan buryn Kanepidi Maiamidegi masters týrnirinde Qazaqstannyń birinshi, álemniń 23-raketkasy Elena Rybakina 6:4, 6:0 esebimen utqan bolatyn.
