Qazaqstannyń birinshi, álemniń 49-raketkasy Aleksandr Býblik Antaliia ATP 250 týrniriniń finalyna shyqty, dep habarlaidy "Ult aqparat".
Osy dodanyń 8-raketkasy bolyp tirkelgen qazaqstandyq tennisshi jartylai finalda dúniejúzilik reitingide 72-orynda turǵan frantsiialyq Jeremi Shardimen kúsh synasty.
A.Býblik 23-te bolsa, sporttyq jolynda 2009 jyly Shtýtgartta úzdik shyqqan tájiribeli qarsylasy odan týra 10 jasqa úlken edi.
Birinshi partiiada qazaqstandyq sportshy 5:2 esebimen alǵa ketti. Sodan keiin setke dop bergenimen, J.Shardi breik jasai aldy. Degenmen A.Býblik ekinshi múmkindigin múlt jibergen joq – 6:4.
Ekinshi sette esep 1:1 bolǵan mezette Býblik breikke qol jetkizip, sosyn óz geimin de aldy – 3:1. Áitse de Shardi qarymta qaitaryp, ózi alǵa shyqty – 5:4. Tai-breikte Jeremidiń joly boldy – 7:6 (7:4).
Úshinshi, sheshýshi partiiada esep 4:3 bolǵan mezette Býblik breik jasap ketti. Sodan keiin matchty jeńispen túiindedi – 6:3.
Tartysty báseke 2 saǵat 5 minýtqa sozyldy.
A.Býblik finalda álemniń 23-raketkasy, aýstraliialyq, 21 jastaǵy Aleks de Minaýrmen chempiondyq ataqty sarapqa salady. Aýstraliialyq tennisshi jartylai finalda álemniń 16-ynshy, osy jarystyń 2-raketkasy, belgiialyq David Goffendi 6:4, 3:6,6:2 esebimen utty.
Jastyǵyna qaramastan, A.Minaýr – ATP týrnirlerin úsh márte utqan sportshy. A.Býblik ázirge ondai tabysqa qol jetkize qoiǵan joq.
Finaldyq match 13 qańtar kúni ótedi.
