Qazaqstandaǵy eń iri munai óndirýshi «Teńizshevroil» kásiporny munaishylardyń 90% COVID-19 qarsy vaktsina alýdan bas tartqany týraly aqparatty joqqa shyǵardy, dep habarlaidy "Ult aqparat" Stopfake.kz silteme jasap.
«Teńizshevroil» kompaniiasynyń úkimetpen jáne jurtshylyqpen bailanys bóliminiń bas menedjeri Yrzabek Artyǵaliev vaktsinatsiia shtattyq rejimde júrgizilip jatqanyn jetkizdi.
«12 sáýirge deiin TShO-ǵa tórt myńǵa jýyq doza vaktsina berildi. Búgingi tańda myńnan astam qyzmetker vaktsina aldy. Taǵy 6,5 myńnan astam adam ekpe jasatýǵa niet bildirip, ony vaktsinanyń túsýine qarai alady. Bizde munaishylardyń 90 paiyzy vaktsinatsiiadan bas tartqany týraly aqparat joq. Qaitalap aitamyn, adamdar vaktsina jasatýǵa kezekke turýda. TShO kompaniiasynyń qyzmetkerleriniń kóbi vaktsinany turǵylyqty jeri boiynsha óz emhanasynda alyp jatqanyn bilemin», – dedi ol.
Buǵan deiin jańalyqtar portaldarynda jariialanǵan mátinde munaishylardyń vaktsinatsiiadan bas tartýyna vahtada ótkizgen qosymsha ýaqyt úshin tólenetin tólemnen aiyrylyp qalý múmkindigi sebep bolýy yqtimal ekendigi jazylǵan. Búginde qyzmetkerler jumysqa kirispes buryn oqshaýlanýǵa mindetti. TShO-nyń habarlaýynsha, qazirgi ýaqytta COVID-19 jaǵdaiyna bailanysty ótemaqy tóleý baǵdarlamasy qaita qaralyp jatyr. Sondai-aq ol elimizdegi jáne teńizdegi epidemiologiialyq jaǵdaiǵa bailanysty bolady.
«SES málimetteri boiynsha, 2021 jylǵy 26 naýryzdan bastap tolyq vaktsinatsiialanǵan qyzmetkerlerge vahtaǵa kelgennen keiin oqshaýlanýdyń qajeti joq», – dep jaýap berdi kompaniiadan.
