Teńiz ken ornynda isteitin qazaqstandyq jumysshylardyń ortasha jalaqysy – 223 myń teńge. Bul týraly búgin eńbek jáne halyqty áleýmettik qorǵaý vitse-ministri Aqmádi Sarbasov málimdedi, dep habarlaidy Sputnik Qazaqstan.
"Atalǵan kompaniiaǵa qatysty (Consolidated Contracting Engineering & Procurement S.A.L. Offshore), olarda ortasha jalaqy 223 myń teńgeni quraidy. Bul málimetti bizge jergilikti atqarýshy organdar berdi", - dedi Sarbasov Sputnik Qazaqstan mýltimediialyq baspasóz ortalyǵynda ótken baspasóz máslihatynda.
Al Teńiz ken ornynda jumys isteitin sheteldik jumysshylardyń ailyǵy eńbek inspektsiiasy júrgizgen tekseristiń qorytyndysynan keiin jariia etilmek.
Vitse-ministrdiń sózine qaraǵanda, Teńiz ken ornyndaǵy tekseris barysynda jalaqyǵa qatysty zań buzýshylyqtar anyqtalǵan.
"Máselen, bir mamandyqty alaiyq. Sheteldik personaldyń eńbekaqysyna ústemaqy qosylǵan, al qazaqstandyq jumysshylarda bul qarastyrylmaǵan. Mundai zań buzýshylyqtar anyqtaldy, jumys berýshige jetkizildi, tiisti sharalar qabyldanady. Nátijesin keiin habarlai alamyz", - dedi ministrdiń orynbasary.
Sarbasovtyń aitýynsha, biyl ministrlik Qazaqstan boiynsha sheteldik mamandardy jumysqa tartatyn 200-ge jýyq kompaniiany tekserip shyqqan. Nátijesinde 190 zań buzýshylyq anyqtalypty.
"Bul zań buzýshylyqtar eńbek, jumyspen qamtý zańnamasyna, eńbek sharttaryna qatysty", - dedi ol.
Al Teńiz ken orny boiynsha bir ai buryn josparly tekseris bastalyp, aiaqtalýǵa taqap qalǵan.
"KazService" munaiservistik kompaniialar odaǵynyń prezidiým tóraǵasy Rashid Jaqsylyqovtyń málimetinshe, Consolidated Contracting Engineering & Procurement S.A.L. Offshore kompaniiasy qazir Qazaqstanda 14 myń adamǵa jumys berip otyr.
"Tártipsizdik bolǵan jerde qazir 8 myń adam jumys istep jatyr, onyń 500-i – sheteldik azamat", - dedi Jaqsylyqov.
