Búgin «Teńizshevroil» JShS-da jumys isteitin Almaty oblysynyń 64 turǵyny Atyraýdan áýe reisimen Almaty áýejaiyna jetkiziledi. Olar Qapshaǵai qalasy mańyndaǵy «Kúnshýaq» demalys ornyna ornalasyp, eki kún karantinde bolady, dep habarlaidy "Ult aqparat" óńir basshysynyń baspasóz qyzmetine silteme jasap.
Seriktestik qyzmetkerleri sońǵy aida Teńiz kenishinde vahtalyq aýysymda jumys istegen, olar COVID-19 infektsiiasy anyqtalǵan Vaternas vahtalyq kentinde turmaǵan. Degenmen, qaýipsizdik maqsatynda áýe reisine koronavirýs infektsiiasyna tekserý ekspress-testiniń nátijesi teris bolǵandar ǵana otyrǵyzyldy.
Olar Qapshaǵai qalasyna jetkizilgennen keiin eki kún karantinge alynady. Oblys basshylyǵynyń tapsyrmasymen atalǵan demalys ornynda barlyq sanitarlyq-dezinfektsiialyq sharalar saqtalyp, karantin kezinde jolaýshylardyń ómir súrýine qajetti barlyq jaǵdailar tolyq qarastyrylǵan. Eki kúnnen keiin atalǵan jolaýshylar turǵylyqty jerlerine arnaiy avtobýstarmen jetkiziletin bolady.
